Directions
Време: 35 минути
Порции: 60 штангли
Домашни чоколадни рум плочки кои ќе ве воодушеват со својот вкус – крцкави од надвор, меки одвнатре и со прекрасен мирис на рум. Можете да ги направите во две варијанти: со протеин (без шеќер) или со прав шеќер.
Состојки
- 1 среден компир (~300 г), сварен и испасирани
- 100 г какао во прав
- 50–100 г протеин во прав или шеќер во прав (по избор)
- 100 г мелена плазма или мелени бисквити по избор
- 1 чоколада (околу 100 г), стопена на пареа
- 2 лажици путер
За премачкување на штанглите:
- 1–2 чоколади, стопени на пареа
Подготовка
- Испасирајте го сварениот компир во мазна смеса.
- Додадете ги сувите состојки: какао во прав, протеин/шеќер во прав и мелена плазма/бисквити. Изедначете.
- Стопете чоколада заедно со путерот на пареа и додадете ги во смесата. Мешајте додека смесата стане убава и изедначена.
- Оставете ја смесата во фрижидер 10 минути.
- На хартија за печење расукајте ја во правоаголна форма со дебелина 3–4 мм. Можете да ја поделите на два дела за полесно ракување.
- Исечете на тенки правоаголни штангли (од целата смеса ќе добиете околу 60 штангли).
- Пред финално премачкување со чоколада, оставете ги штанглите 5 минути во фрижидер.
- Секоја штангла премачкајте ја со стопена чоколада со помош на силиконска четка.
- Оставете ги 10 минути во фрижидер да се стегне горниот слој чоколада, потоа свртете и нанесете чоколада од другата страна и странично.
- Чувајте во фрижидер и уживајте во вкусот кој ќе ве изненади!
Совет: За помалку шеќер, користете бисквити без шеќер и протеин во прав наместо шеќер и плазма.
