Распукани Колачиња со Лимон!

Share

Овие распукани колачиња кои беа хит на мојата страна во 2022-ра вреди да ги оживееме уште еднаш, бидејќи се лесни и брзи за подготовка.

Не бараат миксер, имаат освежителен вкус на лимон и се печат само 10–15 минути.

Совршени се кога ви се јаде нешто слатко набрзина

Време на подготовка

• Подготовка: 10 минути
• Печење: 10–15 минути

Состојки

• 2 јајца
• 125 мл сончогледово масло
• 125 мл јогурт
• 125 г шеќер
• 450 г пченкарно брашно
• 10 г пециво
• 1 лажица џем по избор (за вкус)
• Кора од 1 лимон
• Прстофат сол
• Прав шеќер (за валкање)

Подготовка

1. Во длабок сад додадете ги јајцата и шеќерот. Измешајте со жица маталка додека шеќерот да се растопи.
2. Додадете го јогуртот, маслото, џемот и кората од лимон. Измешајте додека смесата се соедини.
   

   Џемот е по избор – доволна е една лажица за суптилен вкус.

3. Во смесата додадете ги сувите состојки: пченкарното брашно, пецивото и солта. Мешајте со шпатула или со рака додека да добиете тесто.
4. Тестото ќе биде меко и малку песокливо поради пченкарното брашно – тоа е нормално.
5. Покријте го тестото со фолија и оставете го да одмори 5 минути.
6. Земете по една полна мала лажица од тестото и формирајте мали топчиња.
7. Секое топче извалкајте го во прав шеќер и лесно притиснете го во средина.
8. Редете ги во тава обложена со хартија за печење.
9. Печете во загреана рерна на 200°C, 10–15 минути.

Совет

• Внимавајте при крајот на печењето – колачињата брзо потемнуваат. Целта е убава жолтеникава боја.
• За поголем контраст и поизразени „распукани“ делови, извалкајте ги колачињата двапати во прав шеќерпред печење.

На здравје