Directions
Ако сте љубители на свежи лимони и сакате десерти што максимално го задржуваат природниот вкус и арома на лимонот, тогаш ви препорачувам да го испробате ова вкусно и кремасто задоволство.
Неговата нежна кремавост доаѓа од грчкиот јогурт, кој му дава свиленкaста текстура и убава, нежна жолтеникава нијанса. Во исто време, ова е и одлично решение за здрав десерт – лесен, освежителен и создаден за вистинско уживање 
Состојки
- 400 грама природен јогурт (грчки или обичен, без шеќер)
- 3 лажици мед или по вкус
- Сок од 1-2 свежи лимони (околу 50–70 мл)
- 1 лажичка рендана кора од лимон (по желба за поинтензивен вкус)
- 1 лажичка желатин во зрно (или агар-агар за веган верзија)
- 2 лажици вода за желатинот
Подготовка
- Во мал сад, прелијте го желатинот со водата и оставете го да набабри 5 минути.
- Додадете го набабрениот желатин во малку загреан (но не зовриен) лимонов сок и мешајте додека целосно не се раствори.
- Во поголем сад измешајте го јогуртот со медот и ренданата кора од лимон.
- Додадете го лимоновиот сок со растворениот желатин во јогуртот и добро измешајте за да се добие хомогена смеса.
- Распределете ја смесата во четири чинии или чаши за сервирање и оставете ги да се оладат во фрижидер најмалку 2 часа или додека да се стегне.
- По желба, декорирајте со мали парчиња лимон, свежо овошје или листови нане пред сервирање.
Совет
Овој крем десерт може да се чува во фрижидер до 3 дена, без да ја изгуби структурата, вкусот или бојата. Совршен е како нискокалорично и освежително решение за летни денови.
