Directions
Загрејте се со луксузно, богато топло чоколадо и отпатувајте во античкиот свет на Маите и Ацтеките!
Оваа зачинета верзија, со нота на чили ќе ги разбуди вашите сетила за вкус со затоплувачко и пецкачко чувство, интензивирајќи го вкусот на чоколадото.
Овој рецепт, со помалку сладок, интензивен вкус на темна чоколада и какао е вкусен профил кој се приближува до оригиналниот пијалак.
Состојки
1 шоља млеко (250 мл)
2 лажички какао во прав (или мелени какао зрна)
1 лажиче нишесте
70 грама црна чоколада (70 % какао)
¼ лажиче лут буковец
За декорација
4 коцки црна чоколада
Подготовка
Во мало тенџере, измешајте го млекото со две лажички какао во прав, нишесте и лут буковец.
Доколку имате, може да користите мелени зрна какао како замена за какао во прав за уште поавтентичен вкус.
Загрејте ги состојките на средна температура да зовријат. Откако ќе зовријат, варете ги 2-3 минути, постојано мешајќи со жица за матење за да избегнете грутчиња.
Кога ќе ја постигнете посакуваната густина, на крајот додадете 50 грама темна чоколада и мешајте додека целосно не се растопи.
Сервирање
Сипете ја подготвената топла чоколада во две шољи. Украсете со коцки темна чоколада и сервирајте веднаш додека е топло. Може да уживате во овој пијалок и како ладна верзија.
