Пастрмка на скара со манго чатни 🥭

Share

Ова е егзотичен и ароматичен рецепт за пастрмка од Охридско Езеро, која совршено го комбинира крцкавото месо со слатко-пикантен манго сос. Свежото нане и лимон додаваат светли ароми, додека топлиот гарнир од шери домати и печени компири создава комплетно кулинарско уживање
Сосот се сервира одделно за да секој гостин може да го додава по вкус, се декорира со сецкано нане за уште поубаво визуелно и вкусно доживување. Идеално со чаша бело вино  за целосно уживање.

Состојки

Риба:

• 2 пастрмки (~250 г секоја)
• Сол и црн пипер
• 2 лажици маслиново масло
• 2–4 лажички манго чатни
• Неколку свежи ливчиња нане
• 4–6 тенки кругови лимон

Гарнир/топол сос:

• 2 лажици манго чатни
• 10–12 чери домати, исечкани
• Неколку свежи ливчиња нане, ситно исечкани

Компири:

• 300–400 г компири
• Маслиново масло, сол и црн пипер

Дополни:

• 2 чаши бело вино

Подготовка

Компири – подгответе ги први

1. Сварете ги парчињата компири 15 минути во солена вода
2. Исцедете и исечете ги на осминки
3. Премачкајте ги со маслиново масло, посолете и додајте црн бибер по вкус
4. Печете ги 40 минути во рерна на 200°C

Подготовка на рибата

1. Измијте и исчистете ги пастрмките
2. Додајте сол и црн бибер одвнатре и однадвор
3. Посипете умерено со маслиново масло и премачкајте со манго чатни
4. Наполнете ги со свежи ливчиња нане и кругови лимон

Печење на рибата

1. Загрејте ја скарата
2. Ставете ги рибите на скара и печете додека едната страна не стане крцкава
3. Проверете го месото во стомакот – кога е меко и бело, превртете ја рибата на другата страна
4. Превртете ги само еднаш за да не испадне филот

Топол сос / гарнир

1. Во мала тава ставете 2 лажици манго чатни
2. Додајте ги шери доматите и ситно сечканото нане
3. Загрејте ги 1–2 минути на тивок оган
4. Сервирајте го сосот одделно

Сервирање

1. Ставете пастрмката со печени компири на чинија
2. Покријте компирите со дел од топлиот сос и посипете со сечкано нане
3. Сосот со домати и манго сервирајте го одделно
4. Дополни со чаша бело вино

Совет: За најдобар вкус, рибата превртувајте ја само еднаш, а компирите и сосот сервирајте топли за комплетно уживање.

Уживајте!