🥖 Топли и крцкави домашни лепчиња

Share

Топли и крцкави домашни лепчиња кои не бараат многу време ниту труд. Еднаш ако ги направите, сигурно ќе станат ваши омилени – и поради изгледот, и поради вкусот.

Сè што ви е потребно се неколку основни состојки: брашно, сув квасец, вода, малку шеќер и сол.
Можете да ги месите рачно или со миксер – без разлика на изборот, резултатот се совршено вкусни и топли лепчиња.

На Instagram и Facebook профилите на Olgica Naceva Kitchen се достапни видеа кои ќе ви помогнат полесно да ги обликувате лепчињата.

Состојки

За тесто

• 850 г брашно
• 1 кесичка сув квасец (7 г)
• 1 лажичка шеќер
• 1 ½ лажичка сол
• 500 мл млака вода (околу)
• 2 лажици масло (сончогледово или маслиново)
• Малку масло за премачкување и набрашнување при обликување

За печење

• Малку масло за тава или маст

По желба (опционално)

• Вода за прскање пред печење

Подготовка и обликување

1. Откако тестото ќе нарасне двојно (по околу 1 час), премесете го кратко во топка и вратете го во истиот сад да стасува уште 30 минути.
2. По второто нараснување, на набрашнета површина поделете го тестото на 6 еднакви дела.
   Вкупната тежина треба да биде околу 850 г, односно секое парче приближно 140 г.
3. Секое парче обликувајте го во топка со рака и лесно набрашнете го одозгора.
4. Откако ќе ги обликувате сите шест топчиња, оставете ги на работната маса, покријте ги со крпа и оставете да одморат 5–10 минути.
5. По одморот, секое топче притиснете го на средина и со движење напред–назад обликувајте го во мала ролна.
   (За полесно обликување, погледнете ги видеата на Instagram или Facebook.)
6. Редете ги лепчињата на косо во намастена тава (со масло или маст), оставајќи простор меѓу нив за да не се допираат при печење.
7. Покријте ги со крпа и оставете ги да стасуваат уште 20–30 минути, во зависност од собната температура.
   Идеална температура е околу 25°C, каде што се доволни околу 20 минути.

Печење

• Загрејте ја рерната на 220°C и ставете сад со вода внатре – тоа ќе помогне за покрцкава кора.
• Пред печење, со остар нож засечете ги лепчињата по должина на средина.
• По желба, можете лесно да ги испрскате со вода.
• Печете 15–20 минути, во зависност од тоа колку потемни и крцкави ги сакате.

Сервирање

Совршени се со:

• путер
• ајвар

На здравје!
Споделете и лајкнете доколку ви се допаѓаат овие топли домашни лепчиња 🙂