Directions
(Лесна, брза и идеална со кафе или чај)
Оваа лимон торта има освежителен киселкаст вкус и природна сладост од кокосов шеќер.
Аромата на лимон совршено се спојува со карамелните ноти на шеќерот, правејќи ја тортата уште подлабока по вкус. Доволно е еднаш да ја подготвите – и ќе стане ваш омилен колач со кафе или чај 
Брзата подготовка ја прави идеална кога сте кратки со време, а резултатот е навистина впечатлив.
Состојки за тестото
- 4 големи јајца
- 200 г сенаменско брашно
- 200 мл сончогледово масло
- 110 г кокосов шеќер
- 8 г пециво
- ½ лажиче сол
- 2 лажици ванила екстракт
- Рендана кора од 2 лимони
Забелешка: Кокосовиот шеќер ѝ дава потемна, златно-карамел нијанса на тортата – сосема природно и многу убаво.
Состојки за прелив
- 120–130 г фино мелен кокосов шеќер (или органски шеќер во прав ако сакате посветол прелив)
- 5 лажици свеж лимонов сок
- 2 лажици млеко
За декорација
- Свежи багремови цветови (во сезона)
(само цветови, нежно измиени и добро исушени) - парчиња свеж лимон
Подготовка
- Во длабок сад кратко изматете ги јајцата со маталка.
- Додајте го кокосовиот шеќер, маслото и ванила екстрактот, па матете додека смесата да стане мазна и хомогена.
- Додајте ги сувите состојки, изрендајте ја кората од лимон и матете додека да добиете светло-карамел, жолтеникава текстура.
- Истурете ја смесата во намастен и лесно набрашнет калап.
- Печете во загреана рерна на 150°C околу 45 минути. Проверете со чепкалка.
- Веднаш по печењето, избоцкајте ја тортата со чепкалка и прелијте ја со преливот додека е топла – за максимална сочност и арома.
- Откако ќе се излади, декорирајте со лимон и свежи багремови цветови.
Чување и сервирање
Најдобро е тортата да отстои малку пред сечење.
Чувајте ја во фрижидер, обвиткана со пластична фолија – колку подолго стои, толку станува посочна и поароматична.
