Directions
Карактеристики: Традиционален рецепт од мојата мајка
Кујна: Македонска
Време: 40 минути | 
Слатко од рендана дуња со ореви по рецепт на мајка ми, со прекрасна светло-златна боја и цитрусен мирис на слаткарче.
Секогаш при подготовка на ова слатко, на крајот во секоја тегла додајте по еден лист од здравата билка – слаткарче (Pelargonium odoratissimum). Оваа есенцијална билка има силен мирис и го зајакнува имунитетот кога ја вдишуваме.
Доколку додадете и сецкани ореви, вкусот на слаткото ќе биде уште поинтензивен, а ќе имате златни резерви за зимата.
Совет: Нијансата на бојата на слаткото зависи од дуњите. За посилен мирис, користете дуњи со влакненца на површината. Ако дуњата полесно се ренда и не е многу тврда, слаткото ќе добие црвенкаста нијанса.
Состојки
- 1 кг дуња
- 1200 г шеќер во зрно
- 100 г ореви
- 1 лимон (свежо цеден сок)
- 500 мл вода (ладна)
- Листови слаткарче
Подготовка
- Внимателно излупете и исчистете ги дуњите. По рендањето додајте сок од лимон за да не потемнат.
- Подгответе сируп: измешајте 1200 г шеќер и 500 мл ладна вода и вријте ги на тивок среден оган 8 минути.
- Проверете сируп: кога капките побавно паѓаат од дрвена лажица, сирупот е подготвен.
- Додадете ги ренданите дуњи во сирупот и варете 30 минути на тивок оган, постојано мешајќи. Отстранете ја пената од површината на почетокот.
- Кога слаткото ќе се згусне и добие убава боја, додајте ги оревите, измешајте и тргнете од оган.
- Оставете да се излади и префрлете го во чисти тегли. Додадете по две ливчиња слаткарче во секоја тегла.
Уживајте во ова вкусно слатко во зимските денови!
