Directions
Свежиот зеленчук кој се конзервира на есен е за да го пополни недостигот од витамини во текот на зимските месеци!
Разновидноста и количината на зеленчуци зависи од вкусот и желбите на секое семејство.
Важно е зеленчукот да биде здрав, убаво да се исчисти и измие, притоа да се нареди збиено за да не лета кога ќе се прелие со течност (пресол).
Зелени домати, зелени динчиња, карфиол, морков, пиперчиња, краставици се најчестите кои јас ги користам, но секако може да се користи зеленчук по зелба и да се комбинира со овошје!
Рецепт од мајка ми стар неколку децении !
Состојки
4кг зеленчук
1 кг 9% бел оцет
4 кг вода
100 грама шеќер
200 грама готварска сол(може да ја комбинирате и со морска сол)
бибер во зрно и сув ловоров лист по вкус
1/2 кесичка винобран
Доколку не сакате да користите винобран следете ги другите рецепти подолу како да пастеризирате и зачувате зимница без конзерванси.
Подготовка на Зеленчук!
Убаво исчистете го зеленчукот и измијте го да нема нечистотии.
Направете засеци или издупчете го зеленчукот на неколку места за да може од течноста со која ќе се прелијат да примаат побрзо и за пократко време да бидат вкусни и спремни за јадење!
Убаво и змиено наредете ги во тегла или поголем сад, за да не летаат кога ке ги прелиете.
Подготовка на Пресол!
Во сад додадете 4кг вода и во неа додадете, 1кг оцет(9%), шеќер 100 гр, 200гр сол и една кесичка винобран.
Доколку сакате може да користите и половина кесицка конзерванс. Убаво измешајте ги сите состојки додека се растопи шеќерот и солта.
Ставете црн бибер и ловоров лист по желба во секоја тегла и на крај прелијте со течноста.
При преливањето убаво прелијте го зеленчукот и затворете ги теглите.
Доволни се десет дена пред консумација!Зеленчукот останува свеж во текот на целата зима.
Чувајте ја туршијата на ладно место и да не е изложена директно на сонце!
Доколку ви се допаѓа рецептот споделете и ликнете 🙂
За повеќе рецепти за зимница следете ги линковите подолу.
