Directions
Ладен сендвич од чиабата лепчиња кој брзо се подготвува од готови намирници и е одличен за појадок, пикник или ако сте на пат да ви се најде.
Рецептот за овие воздушести лепчиња кои се меки одвнатре и со тенка кора во исто време веќе е споделен на страната, а линкот може да го следите на крајот на овој пост. Чиабатата е подготвена со метод на пред-ферментација и само со 1 грам квасец, лесни се за варење и многу вкусни.
Потребни состојки за овој крцкав ладен сендвич се само четири состојки како мoртадела, кајмак, ајвар и зелана салата (рукола).
Во продолжение следете ја количината, а подготовката може да ја погледнете во видео на Instagram и Facebook, како и да рецептите за вкусен босански ќебап кој одлично оди со овие чиабата лепчиња.
Состојки
1 чиабата лепче
1 лажица кајмак
1 лажица ајвар
4 парчиња мoртадела
рукола салата
Пресечете го лепчето на половина и премачкајте го со кајмак, па со ајвар. Врз нив додадете ги тенко исецканите парчиња мартадела и една полна рака зелената салата-рукола.
Затворете го сендвичот и уживајте во дегустацијата.
Ако сте на пат или пикник ви препорачувам да ги завиткајте во пластична фолија за да останат меки.
Ако не сте љубители на мoртадела, може да ја замените со парчиња тенко сецкан пршут по желба.
Вкусни, здрави и лесни за подготовка!
Имајте добар апетит!
