Крцкави пилешки бургер плескавици🍔

Share

Крцкава и сочна пилешка плескавица подготвена од мелени пилешки гради во бургер лепчиња со зелена салата, дефинитивно е посвежа и повкусна од онаа во сендвичара.

За совршен вкус, препорачувам да подготвите и меки бургер лепчиња според рецептот на страницата.

Состојки за пилешките плескавици:

• 500 г мелени пилешки гради
• 1 жолчка
• 40 мл млеко
• 25 г лебни трошки
• 1 лажичка сол
• 1/2 лажичка лук во прав
• 1/2 лажичка кромид во прав
• 1/2 лажичка ѓумбир во прав
• 1/3 лажичка мускатно оревче
• 1/2 лажичка чили снегулки
• 1/2 лажичка сушен целер
• 200 г презла (за валкање)
• 3 изматени јајца (за валкање)
• 4 бургер лепчиња
• 4 листови марула
• Масло за готвење
• 

Подготовка:

1. Поделете ја смесата на 4 дела, обликувајте топки и притиснете ги во облик на плескавици.
2. Извалкајте ги во изматените јајца, па во презла.
3. Пржете ги на загреано масло на средна температура, 3 минути од секоја страна.
4. Ставете ги на хартија за да се исцеди вишокот масло.
5. Премачкајте ги бургер лепчињата со путер и потпечете ги во тава.
6. Подгответе сос од мајонез (види подолу).
7. Средината на лепчето премачкајте со лажица сос, додадете лист марула и покријте со пилешката плескавица.

Сос од мајонез:

1. 1 јајце
2. 1 чешне лук (сецкано)
3. 1 и 1/5 лажица сенф
4. 1 и 1/5 лажичка бел оцет
5. 1 шоља масло
6. Сол по вкус
7. 1/2 лажичка чили снегулки

Изблендирајте ги сите состојки со пасатор до убава густина.

Имајте добар апетит! 

Меки Хамбургер Лепчиња, Испробан Рецепт!

Подготовката на лепчињата може да ја следите во видеото :

https://www.instagram.com/reel/Clerm_KM0E8/?utm_source=ig_web_copy_link&igshid=MzRlODBiNWFlZA==