Directions
Сирењето Бурата е италијанско кравјо сирење направено од моцарела и крем. Надворешната обвивка е цврсто тенко сирење моцарела, додека внатре содржи страчатела која дава мека текстура.
Има млечен, богат и путерест вкус со соодветна кремаста сладост.
Добар извор е на протеини и калциум, богата е со масти и калории, па затоа треба да се консумира умерено како дел од урамнотежена исхрана.
Најдобро е да се служи на собна температура, а најдобро е секогаш да се јаде што е можно поскоро откако ќе се подготви. Ако купувате од маркет обично има 4 до 5 дена до рок на траење.
Се чува во течност (сириште), а таа вода треба да ја исцедите пред да ја послужите.
Зачинете ја едноставно, можете да ја додавате во пици, одлична е да се комбинира со маслинки, шери домати, тартуфи и можете да ја користите и во капрезе.
Ако ви треба идеја за касен појадок или предјадење, ви споделувам детали за прекрасна крцкава брускета.
Состојки
400 грама шери домати, половинки
100 грама маслинки, без семка
свежи листови босилек и магдонос, грст
1 чешне лук, ситно сецкано
2 лажици балсамиков оцет
3 лажици екстра девствено маслиново масло
Сол и бибер по вкус
4 парчиња крцкаво лепче
Метод
Во еден сад измешајте ги преполовените шери домати и маслинките без коска, па подгответе лесен дресинг.
Дресинг
Во посебен сад додадете едно чешне лук мелено, сечканите листови босилек и магдонос, балсамиков оцет, маслиново масло, црн пипер и сол по вкус.
Измешајте сè, да се соедини и додадете ги во маслинките и шери доматите.
Испечете ги текните парчињата леб со маслиново масло од двете страни додека не станат крцкави и златно кафеави, поросете ги со суво оригано и сол додека ги печете. Може да користите готови багет лепчиња.
Послужете сè во длабока чинија или сервирајте по избор, а од страна додадете го бурата сирењето. Прелијте ја буратата со балсамиков оцет и декорирајте со свежо гранче мајчина душица и уживајте! Лесно и вкусно, готово за 5 минути!
Имајте добар апетит!
