🥛Домашно Кондензирано Млеко

Share

Две Состојки

Кондензираното млеко е кремасто, густо и слатко – идеално за десерти, кафе или разни рецепти. Подготовката дома е едноставна, со само две состојки и лесна техника.
Клучот е да испари водата од млекото и да се добие карактеристична густина и кремаст вкус.

Со подготовка на овој рецепт млекото ја задржува светлата боја и добива мазна текстура која со сигурност ќе ви се допадне. Топло ви препорачувам да одвоите време и да го подготвите ова домашно кондензирано млеко.

Состојки

• 500 мл млеко (3,2% маснотии за оптимални резултати)
• 200 г шеќер во зрно

Подготовка

1. Во тенџере со дебело дно, ставете го млекото и шеќерот. Ова помага топлината да се распределува рамномерно и да се спречи горење.
2. Загревајте на средна топлина, мешајте повремено додека шеќерот се раствори целосно.
3. Зголемете ја малку топлината за да зоврие нежно, но не дозволувајте силно вриење.
4. Намалете ја топлината и оставете да крчка непокриено, мешајќи повремено. Смесата ќе се згусне околу 35 минути, во зависност од посакуваната густина.
5. Тестирајте со капка на ладна чинија – ако се згусне како кондензирано млеко, е готово.
6. Тргнете од оган и оставете да се излади. Имајте на ум како што се лади, ќе се згусне уште повеќе.
7. Префрлете го во херметички сад и чувајте во фрижидер до две недели.

СОВЕТ:
Млекото со повеќе маснотии создава помеко и побогато кондензирано млеко. Повремено мешање е клучно за да се спречи лепење и горење.