Хумус на 3 начини !

Измијте го наутот во ладна вода неколку пати, најдобро е три пати, или оставете го во ладна вода преку ноќ или барем еден час на собна температура пред варење.
Варете го 60 до 90 минути за убаво да омекнат зрната.
Во текот на вриењето исчистете ја пената од врвот со лажица.
Кога наутот е подготвен, можете да започнете со подготовка на состојките.

За Стандарден Хумус ви се потребни:
2 чаши Наут
2 лажици Таан
3 лажици маслиново масло
Чешне лук
Лажица морска сол
Црн пипер по вкус и
Половина чаша зовриена вода во која се вареше наутот.

Во блендер изблендирајте ги сите состојки заедно додека да се изедначат и да добиете посакувана структура. Сервирајте во чинија и декорирајте со неколку зрна од варениот наут и свеж магдонос.

ХУМУС ОД ЦВЕКЛО
За овој вкус освен состојките на стандарниот хумус додадете 5 парчиња варено цвекло.
Парчињата исцедете ги од течност и додадете ги во блендерот со останатите состојки.
Од цвеклото ќе добие убава боја. На крај декорирајте со сусам и неколку зрна варен наут.
ПИКАНТ ХУМУС
За овој вкус освен состојките на стандарниот хумус додадете една црвена пиперка и една чили црвена пиперка , доколку сте љубители на луто и сакате посилен вкус може да додадете две црвени чили пиперки.
Блендирајте со останатите состојки и декорирајте со чили парченца.

На здравје и уживајте кој вкус и да го одберете!
Доколку ви се допаѓа овој рецепт, споделете!
Блгодарам :)