https://www.olgicanacevakitchen.com

Home
Без глутен
Слатко од Дуња! Како да добиете убава боја!

Start Reading Mode

min

0 0

Share
168 Views
Like 3

Ingredients

Adjust Servings:

	1200 грама шеќер во зрно
	1000 грама Дуња
	100 грама Ореви
	Слаткарче
	Лимон

Bookmark this recipe

You need to login or register to bookmark/favorite this content.

Слатко од Дуња! Како да добиете убава боја!

Name: Слатко од Дуња! Како да добиете убава боја!
Yield: 4 тегли
Cuisine: Македонска
Ingredients: шеќер: 1200 грама; Дуња: 1000 грама; Ореви: 100 грама; Слаткарче; Лимон

Features:

Cuisine:

Македонска

45 минути
Serves 4
Medium

Ingredients

1200 грама шеќер
во зрно
1000 грама Дуња
100 грама Ореви
Слаткарче
Лимон

Directions

Слатко од рендана дуња со ореви по рецепт на мајка ми, со прекрасна светло-златна боја и цитрусен мирис на слаткарче.

Секогаш при подготовка на ова слатко на крајот во секоја тегла додавам по еден лист од здравата билка – слаткарче, или со латинско име пеларгониум одоратисимум. Оваа есенцијална билка и цвет има силен мирис и го зајакнува имунитетот кога ја вдишуваме.

Не е задолжително, но ако можете да најдете или ако ја имате билката дома, тоа ќе го комплетира вкусот на слаткото.

Доколку додадете и сецкани ореви на четвртинки, тоа дополнително ќе го збогати вкусот на слаткото и ќе имате златни резерви за претстојната зима.

На што да внимавате за да добиете убава златна боја и како успешно да го подготвите сирупот за да добиете убава густина на слаткото, следете ја подготовката и нема да погрешите.

Нијансата на бојата на слаткото зависи од дуњите, а за да имате посилен мирис ви препорачувам да ги користете оние дуњи со влакненца на површина, тие се подобри од мазните. Кога ги одбирате дуњите нека бидат здрави и без дамки. Бојата на слаткото може да варира од светло-златна боја до црвенкаста во зависност од дуњата. Ако полесно се ренда и не е многу тврда тогаш ќе добиете слатко со црвенкаста нијанса. Сите детали следете ги подолу, за да ги отворите состојките кликнете на плусот.

Steps

Done

10 минути

Подготовка на сирупот

Започнете со подготовка на сирупот.
Во поголемо тенџере каде ќе ги варите дуњите додадете го шеќерот и во него додадете вода. На 1200 грама шеќер додадете 650 грама вода и ставете на оган. Со жица веднаш мешајте го шеќерот да се растопи пред да зоврие. Кога ќе зоврие намалете ја температурата на средно умерена, мешајте го сирупот повремено. Доволно време за подготовка е 8 до 10 минути. За ова време ќе се згусне и ќе се избистри.
Внимателно излупете и исчистете ги дуњите да немаат дамки бидејќи ќе се познаваат во слаткото откако ќе го приготвите. После лупењето изрендајте ја дуњата и веднаш додадете сок од лимон за да спречите дуњата да не потемни.
Бидејки многу брзо ја менуваат нивната боја најдобро е ако подготвите свеж сок од лимон претходно.

Done

30 минути

Варење на слаткото

Во сирупот додадете ги ренданите дуњи и варете на тивок среден оган 30 минути.
Постојано мешајте. Извадете ја пената од површината додека се готви слаткото.
Во текот на варењто бојата ќе се менува од светла во потемна. Варете го со повремено мешање додека да се згусне и да добие убава златна боја и тргнете од оган.
Во слаткото додадете ги сецканите ореви измешајте и оставете да олади.
Сосема доволно време за слаткото е триесет минути варење на средна умерена температура, притоа имајте на ум дека слаткото со ладење ќе добие поинтензивна и посилна боја од онаа боја што ја има додека уште е топло.
Оставете да се излади целосно и потоа префрлете го во чисти стерилни тегли.
Теглите може да ги стерилизирате во рерна на температура од 120 степени 20 минути.
Пред да затворите, додадете ливчиња слаткарче во секоја тегла.
Уживајте во ова вкусно слатко во зима!
На здравје нека ви е!