Directions
Дали сте љубители на Гранола?
Овој вкусен рецепт на здрава гранола не е многу благ, и е со нежна нота на ванила арома од кој ќе добиете околу 8 шољи гранола или најмалку 16 оброци.
Овес
Главната состојка на гранолата, овесот може да го додавате како овесни снегулки, цело зрно, интегрални овесни снегулки, без глутен ако сакате да добиете безглутенска гранола и слично.
Јатки и Семиња
Јаткастите плодови дополнително ја збогатуваат гранолата со диетални влакна и незаситени масни киселини, минерали, витамини. Што точно ќе додадете зависи од тоа што најмногу сакате, но имајте на ум дека јатките се доста калорични, односно порција од 30 грама содржи до 200 калории, па така бадемите имаат најмалку калории, додека пекан и орев од макадамија се најмногу калорични. Семињата се супер хранливи со огромни придобивки за здравјето и можат да ви помогнат доколку ги вклучите во здрави диети. Едни од најздравите семиња кои може да ги додавате во гранолата се лен, сусам, семки од тиква и сончоглед.
Масла и путери
Маслата и путерите кога се додаваат во гранолата и даваат дополнителна крцкавост при печење и ги прават јатките и семињата недоливи, притоа им помагаат да ги развијат своите ароми и вкусови уште повеќе. Од нив може да додавате маслиново масло, коксово масло или путер по желба.
Природни засладувачи
Кога ја подготвувате во домашни услови една од придобивките е што знаете што додавате и притоа е по ваша желба. Како засладувачи може да користите мед, јаворов сируп, маџун ако сакате да добиете потемна боја и дополнително да развиете вкус.
Сол и зачини
Половина лажиче морска сол во гранолата дефинитивно ќе влијае на вкусот на крајниот резултат, а по желба може да додадете цимет и ванила екстракт.
Суво овошје
Сувото овошје дополнително ќе и даде сладок вкус, цитрусен или овошен во зависност од тоа што ќе додадете. По избор може да користите суво грозје, брусница која е моја омилена, сува кајсија ситно сецкана, гоџи бери, суви сливи или слично. На крајот може да изрендате и додадете до 2 лажички кора од лимон или портокал. Важно да се напомене е дека сувото овошје се додава на крајот во гранолата откако ќе се испече, и не треба да се пече со овезот, јатките и семињата.
По вкус може да додадете и чоколаден чипс или рендан сув кокос.
Мојот начин на подготовка на гранолата е едноставен и од состојки кои ми одговараат на мојот вкус.
Потребни сосотојки
4 шољи интегрални овесни снегулки
1 шоља микс од јатки (ореви, бадеми,индиски ореви)
9 големи лажици микс од семиња(семки од тиква, сончоглед, афион, сусам)
1/2 шоља засладувач (мед и 2 лажици маџун)
1/2 шоља кокосово масло(понекогаш додавам и растопен путер)
1 супена лажица цимет
2 лажици ванила екстракт
1 супена лажица морска сол(мелена)
брусница и суво грозје по вкус
Загрејте ја рерната на 160 степени дпдека ја подготвите гранолата за печење.
Во сад се мешаат сувите состојки убаво заедно со зачинот и солта, потоа се додаваат медот, кокосовото масло со ванила екстрактот и се меша додека се впијат целосно со сувите состојки. Во тава на хартија за печење убаво распоредете ја гранолата во тенок слој и притиснете за да имате една цела смеса. Печете на 160 степени околу 20 минути, на крајот внимавајте да не ви изгорат и потемнат премногу. Извадете од рерна и оставете на собна температура да се олади. Кога ја вадите од рерна таа е мека, со ладење станува крцкава. Чувајте ја во тегла на собна температура две до три недели или во фрижидер до 3 месеци.
Доколку сакате гранола на покрупни парчиња, оставете ја да се олади убаво и искршете ја со раце, или ако сте љубители на ситна гранола како мене, тогаш после вадење од рерна измиксајте ја да се иситни и искрши на ситни парчиња.
Може да ја додавате во млеко, јогурт и кефир за појадок, со свежо или замрзнато овошје по желба. Имајте добар апетит и грижете се за вашето здравје!
