Directions
Вкусни палачинки за појадок, богати со хлорофил заради свежиот спанаќ, одлични на здрав начин да го започнете денот и да го збогатите организмот со кислород и убава енергија од утрото.
Потребни се само четири состојки од кои свеж спанаќ, може да ги подготвите и завиткате во фолија и да ви бидат појадок на работа, или уште поубаво ако ги имате време да уживате додека се топли.
За да бидат меки ви препорачувам да го измелете овезот во блендер или мелница како брашно и потоа да го додаете со преостанатите состојки. 
Потребни состојки за еден оброк
1/3 шоља овес (мелен)
1 јајце
3 лажици павлака или крем сирење
50 грама свеж спанаќ (една полна рака)
Сите состојки додаете ги во блендер и блендирајте додека добиете убава и мазна смеса.
Премачкајте ја тавата со малку маслиново масло и печете ги на умерена температура. Внимавајте да не биде силен оган за да не ви изгорат. Кога се печат на средна температура ја задржуваат убава зелената бојата. Кога ке заруменат од едната страна свртете ги од другата страна и печете ги пократко.
Лесно се обликуваат при печење бидејки павлаката или крем сирењето ја прават смесата постабилна и погуста смесат, може да ги обликувате со лажица во форма на кругови. 
На секоја мини палачинка премачкајте павлака или крем сирење по избор, или може да декорирате со една топка крем сирење и свеж лист од спанаќ.
Почнете го утрото на здрав начин.
Имајте добар апетит!
