Вкусен Крцкав Помфрит со мека структура !

Излупете и исчистете добро четири компири со средна големина. Секој компир се сече по должина на три дела и секое парче се сече на дебелина од еден сантиметар од двете страни. Отстранете ги краевите за поправилна форма, а остатоците подгответе ги на крајот одделно од поголемите парчиња, затоа што побрзо ќе се пржат и можат да ви изгорат.
Оставете ги во ладна вода 15 минути, бидејќи на овој начин ќе добиете мека структура одвнатре.
Исцедете го вишокот вода на кујнска крпа или кујнска хартија и подготвени сте за пржење.

Пржењето е најдобро ако се прави во фритеза, но може да ги пржите и во тава.
Додадете едно парче во тавата за да пробате дали маслото е подготвено.
Во зависност од големината на вашата тава/фритеза, најдобро е да ги испржите на два пати, едната половина компир пржете ја 5 минути и потоа внимателно префрлете ги на кујнска хартија и ставете ги да се оладат пет минути, а во меѓувреме можете да ја подготвите и друга половина.
По пет минути додадете ги да се пржат по втор пат околу 5 минути.
Бидете претпазливи на крајот бидејќи можат брзо да се изгорат или намалете ја температурата.
Проверете ја крцкавоста како што сакате најмногу.
Оставете ги на кујнска хартија кратко (десетина секунди) за да се впие вишокот масло и додека сеуште се топли, додадете ги во измешаните за зачини.
За зачинета смеса ви треба мелен црн пипер, лук во прав, кромид во прав, чили за пикантност или црвена мелена пиперка доколку не ги сакате лути и сол.
Додадете по една лажица од секој зачин, или ако сте љубител на зачини можете да додадете по две лажици од секој зачин или може да комбинирате по ваш вкус.
Измешајте ги сите зачини заедно во една чинија и додајте ги компирите додека се топли и измешајте ги сите заедно.
Не грижете се ако додадете повеќе зачини, бидејќи зачините ќе се залепат по потреба.
Уживајте во крцкавоста и пикантноста на овој вкусен помфрит!
На здравје !