Directions
Варена вино со замрзнати вишни, мед и маџун, лек и вкусен пијалок, совршен за зимските студени денови кој ќе ви ја забрза циркулацијата и ќе ве загрее во исто време. Лажица мед и маџун како здрави засладувачи ќе му дадат блага нота која совршено ќе биде надополнета со киселоста на вишните.
Кога подготвувате варено вино, не треба да користите скапо сортно вино, наместо тоа, користете ефтино суво црвено вино, бидејќи сите зачини ќе му дадат прекрасен ароматичен шмек и вкус а вашите сетила ќе бидат задоволени.
Рецепт и подготовка
– За две чаши:
– 6 парчиња портокал (две на крајот за сервирање )
– 3 анис ѕвезди
– 2 стапчиња цимет
– 1 лажица ѓумбир во прав
– 1 лажица каранфилче во прав
– 2 лажици мед
– 1 лажица маџун
– 3 чаши суво црвено вино
Додадете ги сите состојки во тенџере и оставете да зоврие. Варете на тивок оган 15 минути.
За сервирање додадете 1 парче портокал во секоја чаша и 1 лажица маџун, а потоа прелијте со топлото подготвено варено вино.
Печени бадеми во путер можат да бидат совршено мезе и вистинско уживање во вечерните часови. Рецептот за печените бадеми со путер се на мојот канал.
Видео подготовка за варено вино следете подолу.
