Directions
Кремаст Бешамел Сос или познат како мајка на сосовите може лесно и едноставно да го подготвите дома од две основни состојки, и по желба да му додадете дополнителни вкусови.
Предноста на домашно приготвениот бешамел е што нема конзерванси, а по желба може да развиете вкус баш како вие што сакате.
Доколку се одлучите за едноставен сос доволно е да додадете мускатно оревче и малку сол.
Ако подготвувате паста на крајот во сосот може да додадете рендан пармезан, или да ја збогатите пастата со печурки.
Она што е важно за овој сос е кремавоста и убавата густината, и затоа е доволно само една лажица брашно. Доколку додадете повеќе или малку млеко, или предолго го вриете ќе биде премногу густ.
На што да внимавате и како да го подготвите овој вкусен сос?
Состојки
1 шоља млеко
1 лажица брашно
мускатно оревче
Во неколку лажици маслиново масло додадете една лажица брашно и на тивок оган кратко пропржете го, притоа постојано мешајте и внимавајте да не ви потемни и загори брашното. Потоа додадете една шоља млеко и мешајте постојано за да не ви се направат грутчиња од брашното. Кога малку ќе се згусти тргнете од оган и додадете мускатно оревче и сол по вкус. Имајте на ум дека со ладење сосот ќе згусне повеќе. Во случај да не ви се допадне густината додадете повеќе млеко и кратко вратете го на оган. После неколку правења точно ќе ја знаете густината која најмногу ќе ви се допадне. На крајот може да додадете и рендан пармезан.
При подготовка на паста може да започнете со пржење на свежи печурки со зачини, и во истата тава да го подготвите сосот. Во подготвениот сос додадете ја варената паста, измешајте ги вкусовите и послужете.
Изрендајте прамезан и поросете со сецкан магдонос.
Наздравете со чаша бело вино!
